Një zjarr i fuqishëm përfshiu një godinë banimi në lagjen e vjetër të qytetit të Bulqizës, mbrëmjen e kaluar.
Mësohet se objekti i djegur ndodhet pak metra mbi qendrën sociale dhe në të banonin 4 familje. Nuk dihet ende se sa banorë ishin brenda në momentin e rënies së zjarrit dhe nëse ka të lënduar, ndërsa flakët kanë shkrumbuar çdo gjë.
Ndërhyrja e zjarrfikësve nuk ka mundësuar vënien nën kontroll zjarrin e madh, i cili dogji gjithçka.
Policia ka nisur hetimet për rastin, por ende nuk ka një pistë të shkaqeve të rënies së zjarrit.
