“Për çfarë k*** vërshëlleve”, akuza të rënda të Murinjos: Kielini, Lautaro apo Ibra nuk do e merrnin kurrë atë të kuq

Barazimi ndaj Xhenoas nuk i ka pëlqyer shumë Zhoze Murinjos, e sidomos episodi në fund të ndeshjes ku Nikolo Zaniolo u ndëshkua me karton të kuq për protesta ndaj gjyqtarit. Trajneri portugez, i cili kishte vendosur të bënte paqe më gjyqtarët, këtë herë nuk është përmbajtur dhe para gazetarëve ka shpërthyer në akuza.

“Nuk dua të komentoj. Mund të komentoj ndeshjen, jo golin, të kuqin apo ndonjë reagim pasardhës. Preferoj ta evitoj.

Ne para syve të Pallatit jemi shumë të vegjël. Nëse Zaniolo do të luante te Interi, Juve e Milan, a do të ishte e njëjta situatë? Mendoni se atë të kuq për shembull e merr Lautaro Martinez në “San Siro”? Atë të kuq Lautaro në “San Siro” apo Kielini, apo Zlatan nuk e marrin kurrë. Këta jemi ne, jemi shumë të vegjël.

Zaniolo u nxor me të kuq pasi i ka thënë gjyqtarait Abiso tre herë të njëjten gjë, por nuk e ka fyer. Abiso më tha: Zaniolo tre herë më tha “Për çfarë k*** vërshëlleve”. Ai as nuk e dërgoi te ai vendi dhe as e shau nga mamaja. Unë i thashë Abisos që duhej të kuptonte mërzinë dhe t’i thoshte ‘qepe, vërshëlleva faullin’”, ishin fjalët e Murinjos para gazetarëve.panorama

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern