Ish-ministri i Brendshëm Saimir Tahiri u dënua sot me 3 vite e 4 muaj burg.
Pas një kalvari seancash gjyqësore, Apeli i GJKKO dënoi Tahirin me 5 vite, por duke përfituar nga gjykimi i shkurtuar ai do të vuajë 3.4 vite heqje lirie.
Gjatë leximit të vendimit gjyqtari tha se provat e ofruara nga prokuroria konfirmojnë lidhjen e tij me grupin e Habilajve, i cili u mor me transportin e lëndëve narkotike nga Shqipëria në Itali.
Pas shpalljes së vendimit, ish-ministri do të shoqërohet në qeli. Ministria e Drejtësisë tha se ish-ministri do të dërgohet në burgun nr.313 në Rr.Jordan Misja në Tiranë.
