Merr flakë në lëvizje automjeti në aksin Elbasan-Peqin, ja gjendja shëndetësore e shoferit

Një automjet ka marrë flakë në lëvizje dhe është djegur pjesërisht mëngjesin e sotëm, por fatmirësisht shoferi ka arritur të dalë nga mjeti. Ngjarja ka ndodhur rreth orës 08:00, në aksin rrugor Elbasan-Peqin, ku mjeti tip “Polo” me drejtues shtetasin Xh. B., 58 vjeç, banues në Elbasan, ka marrë flakë dhe është djegur pjesërisht.

Paraprakisht dyshohet se mjeti ka marrë flakë për shkak të një defekti teknik. Vijon puna nga grupi hetimor, për zbardhjen e rrethanave të ngjarjes.