LIGJET E BIZNESIT
Gazetari investigativ Artan Hoxha ka dhënë detaje për operacionin me 26 të arrestuar në burgjet e Elbasanit, Peqinit dhe të Drenovës.
Ata akuzohen për aktivitet të paligjshëm të lojërave të fatit.
Në fjalën e tij Hoxha është shprehur se hetimet në lidhje me këtë operacion kanë nisur që në shtator të 2020, më saktë zanafilla është që në grevën e disa të burgosurve në burgun e Peqinit që dhe pse nuk u bë mediatike u përhap në shumë qeli të tjera anembanë vendit.
“Duke pasur parasysh se në burgje ndodhet niveli i kriminalitetit më i trajnuar dhe rrahur me vaj e me uthull, janë mjeshtra për të krijuar lidhje. Kemi punonjës që duhet të mbikqyrin këto kriminele që janë të keqpaguar, kjo bën që të kemi dhe raste të tilla. Deri vonë një pjesë e mirë e drejtuesve të burgjeve janë emëruar politikisht, dhe gardianët punësohen në sajë të anës politike që përkrahin.
Nuk më çudit fakti që ka të korruptuar në burgje për shkak të mënyrës që punojnë. Uroj që prokuroria e Elbasanit ti shkojë deri në fund këtij operacioni dhe në fund të përfundojë në SPAK.
Në burg ka dy lloj hiarkisë, personeli zyrtar dhe janë drejtuesit e qelisë. Në situatën e fundit janë përfshirë shumë të dënuar për krime shumë të rëna. Përmendet Aleksandër Llanaj që mes gjithë atyre janë pjesëtarë të grupit të Shullazit, e shumë e shumë të tjerë të dënuar por këtë privilegj duke se e ka pasur vetëm Llanaj, sepse autoritetet e burgut e kanë toleruar. Në rastin konkret ato kanë krijuar një sistem të tërë duke filluar nga ushqimet, pijet, si do të përdornin telefonat një pjesë e këtyre të burgosurve dhe deri në krijimin e lojërave të paligjshme.
Nuk është një strukturë e vetme por janë disa episode në një dosje të madhe. Në fund të shtatorit të 2020 është dhe zanafilla e këtij operacioni një referim i bërë në 9 tetor, në të cilin është kërkuar hetimi për një grup personash të dënuar dhe personeli burgjesh. Në atë kohë ka nisur një grevë në burgun e Peqinit, pasi më kanë marr në telefon e donin ta bënin mediatike, që të dënuarit refuzuan ushqimin.
Pa dalë në media, greva u shpërnda në Reç, Fush-Krujë e gjithë andej si mund të ndodhte një gjë e tillë kur nuk u bë mediatike, që do të thotë se ato kishin komunikim mes tyre dhe kjo ngriti dhe këtë dyshim. Ato arritën që të ngrenë vëmendje e cënimit të sigurisë kombëtare pasi dëshmuan se kishin komunikim mes të dënuarve në qelitë e vuajtjes së dënimit”, ka thënë ai për ABC News.
