“U është dhënë haku” Banorët në protestë për shembjen e banesave te ‘5 Maji’, reagon Rama: Madje më shumë nga sa u takon

Kryeministri Edi Rama ka folur pas protestave të banorëve në zonën e “5 Majit” në Tiranë, kundër shembjes së shtëpive të tyre, në kuadër të procesit të rindërtimit.

Teksa ata ndodhen sot sërish para Kuvendit, Rama u është përgjigjur me një mesazh, në të cilin shprehet se të gjithë kanë marrë hakun e tyre, madje edhe më shumë nga sa u takon.

“Ndërsa unë besoj se tek 5 maji te gjithëve u është dhënë haku që u takon dhe disave madje edhe me shume se sa u takon, prandaj tani duhet vetëm durim dhe besim, sepse njësoj siç po ndodh me te tere ata qe po përfitojnë nga Rindërtimi, do ndodhe edhe me ju atje, ndërsa atë pjesën e votimit mos e thuaj te paktën, jo për mua, po për tere ata qe u vranë, u burgosen, u privuan nga e drejta e votës”, shkruan Rama.