Einxhel akuzoi Donaldin dhe Romeon se e kanë hequr padrejtësisht nga puna, regjisori i programit zbardh çfarë ka ndodhur

Pas debatit të ashpër që ndodhi dje në mbrëmje mes moderatores Einxhel Shkira dhe aktorit Donald Veshaj në shtëpinë e “Big Brother VIP”, ka ardhur dhe reagimi i regjisorit të programit “Binjakët Show”. Kreshnik Saraci.

Kujtojmë se Einxhel akuzoi vëllezërit Veshaj se e kishin hequr padrejtësisht nga puna dhe madje nuk e kishin paguar.

Por nga ana tjetër Donaldi tha se arsyeja ka qenë se moderatorja nuk kishte qenë korrekte në punë.

Por sipas Einxhel fjalët që thotë Donaldi nuk janë të vërteta. Mirëpo, lidhur me këtë ka ardhur dhe mesazhi i regjisorit të emisionit i cili shprehet se arsyeja e shkëputjes së bashkëpunimit ka ardhur nga fakti se Einxhel nuk ka respektuar oraret.  Ky postim është rishpërndarë dhe nga Romeo në profilin e tij.

“Kam qenë regjisor i “Binjakët Show”. Për sa i përket debatit të mbrëmshëm midis Donaldit dhe Einxhel në Big Brother Albania VIP, ndjej detyrimin të mbaj një qëndrim për të mirën e asaj që jo gjithë çfarë thuhet duhet përtypur. Einxhel nuk ka qenë korrekte me oraret. Kjo ishte arsyeja e shkëputjes së bashkëpunimit.”, shkruan ai.