Paguhen më pak se 20 mijë lekë në muaj, punonjëset e rrobaqepsisë në Bilisht bllokojnë rrugën në mes të qytetit

Punonjëset e një rrobaqepsie në Bilisht kanë dalë për të protestuar paraditen e sotme, duke bllokuar rrugën në qendër të qytetit.

Dhjetra punonjëse nuk kanë marrë pagën në bazë të ligjit që ka miratuar qeveria Rama. Ato kanë dalë jashte godinës duke protestuar për këtë.

Afërsisht 100 punonjëse, që marrin më pak se 200 mijë lekë të vjetra në muaj, kërkojnë pagën minimale të vendosur nga kryeministri.

Ato janë të detyruar që të kthejnë mbrapsht pagën që iu kalohet në bankë, duke u shfrytëzuar kështu në mënyrë të tejskajshme nga punëdhëniësit e tyre.