Ish-prokurori i Krimeve të Rënda, Eugen Beci, tregoi në Opinion si përzgjidhen kriminelët që pendohen dhe kërkojnë të bashkëpunojnë me drejtësinë.
Është prokurori ai që duhet të gjëjë më të dobëtin e bandës dhe ta “zbërthejë”, tha ai.
“Nuk duhet të bëhet publik emri i tij në proces. Legjislacioni shqiptar që ka ndryshuar në vitin 2004 për herë të parë është futur koncepti i bashkëpunëtorëve të drejtësisë. Në Mars të 2004 me krijimin e Prokurorisë së Krimeve të Rënda u fut dhe koncepti i dëshmitarëve të drejtësisë dhe i bashkëpunëtorëve të drejtësisë”, tha Beci.
Por çfarë kërkohet që një person të bashkëpunojë me drejtësinë?
“Ka shumë faza. Në përzgjedhjen që duhet të bëjë prokurori, në grupi e bandës do duhet që të gjejë më të dobëtin që ta zbërthesh. Është çështje psikologjike. Ose duhet të gjesh personin që ka më shumë prova. Je i fundosur, do i bësh presion më shumë. Do i ofrosh shumë më tepër se çfarë i ofron organizata kriminale”, u shpreh ai.
