Dje Partia Socialiste festoi 28-vjetorin e themelimit të saj.
Socialistët organizuan festime në çdo qytet dhe kryeministri Edi Rama ndodhej në Divjakë së bashku me Erjon Braçen.
Në Tiranë u festua fillimisht te Amfiteatri pastaj u mbyllën me një koktej te selia e Partisë Socialiste.
Por kujtojmë se dje në orën 18:00 ishte planifikuar te Amfiteatri te Parku i Liqenit një koncert, shitja e biletavve të së cilit do të shkonin për të kuruar studenten Omelda e cila është diagnostikuar me sëmundjen e rëndë dhe po lufton me të dita-ditës.
Faqja “Lolita” shkruan se ky koncert është anuluar për shkak të festës së PS-së. “Dje ishte menduar që të organizohej ky koncerti te amfiteatri dhe fondet të shkonin për kurimin e Omeldës. Por jo, koncerti nuk u zhvillua! Nuk u zhvillua sepse dje te amfiteatri u festua ditëlindja e Partisë Socialiste. Ishte anluar çdo projekt që ishte menduar të zhvillohej dje atje, sepse ditëlindja e partisë prevalon mbi çdo gjë.”, shkruan kjo faqe.
Në koncert do të këndonin disa nga këngëtarët e njohur si Aurela Gaçe, Aurel Thëllimi, Erik Lloshi dhe disa të tjerë. Por mesa duket ditëlindja e PS-së kishte më shumë rëndësi se shëndeti i një vajze të re.
