LIGJET E BIZNESIT
Fenomeni i bullizmit në rrjetet sociale është shumë i përhapur.
Së fundmi pre e tij ka rënë dhe një mësues biologjie në Kosovë.
Video e publikuar në “Tik Tok” ka bërë xhiron e rrjetit.
“Faji” i vetëm i profesorit Lulzim Paci, ishte se shfaqej duke kërcyer valle popullore në shtëpinë e tij dhe krejt idenë e kishte që të përcillte mbrojtjen e vlerave kombëtare.
Por video ka shkaktuar mjaft reagime nga komentuesit në rrjetet sociale, të cilin e kanë bullizuar, e madje të rrezikoj edhe vendin e punës.
Kjo e ka bërë profesorin që të ndihet keq, saqë i ftuar në një interviste televizive në KTV ka shpërthyer në lot, e madje ka treguar se i ka kërkuar vëllait të tij që të mos tregoj se e ka vëlla.
‘Unë bëj çfarë dua në banesën time private! Detyrova vëllezërit e mi, njëri prej tyre që është drejtor shkencash, e i thashë nëse të pyesin se çfarë e ke Lulzim Pacajn thuaj e kam kushëri, mos i thuaj se e ke vëlla (Qan)!’- u shpreh ai.
Ai ka treguar se do të vijojë që të vallëzoj valle kombëtare, dhe se nuk ka linçuar askënd në atë që ka publikuar.
‘Është jeta ime private, unë do të vazhdoj që të vallëzoj valle kombëtare. Nuk kam linçuar askënd.’- u shpreh ai.
Madje profesori ishte bullizuar edhe deputetja e Lëvizjes Vetëvendosje, Fjolla Ujkani, e cila tha se Gjimnazi “Eqrem Çabej” në Vushtrri dhe Drejtoria e Arsimit duhet të marrin masa.
“Ditëve të fundit njëri nga profesorët e Gjimnazit ‘Eqrem Çabej’ është duke publikuar video të tij, të cilat janë veprime të pahijshme dhe degjeneruese. Andaj, i bëj thirrje drejtorit të Gjimnazit dhe drejtorisë së Arsimit në Vushtrri, që të marrin masa ndaj profesorit në fjalë.’- shkruante ndër të tjera Ujkani.
