Pas përfundimit të mbledhjes së kryesisë së PS, Rama shfaqet i qeshur krah Veliajt

Kryeministri Edi Rama është shfaqur sot i qeshur në krah të kryetarit të Bashkisë së Tiranës Erion Veliaj menjëherë pas përfundimit të mbledhjes së kryesisë së Partisë Socialiste.

Sot kryeministri ka nisur me hapat konkretë për të shkarkuar presidentin Ilir Meta, pasi ky i fundit vendosi të anulonte zgjedhjet vendore të 30 qershorit.

Rama ka dalë i shkujdesur nga selia rozë, i veshur me atlete këmishë të bardhë të zbërthyer dhe me xhaketë lino e pantallona sportive.

Së bashku me Erion Veliajn ai ka ecur disa metra në këmbë deri në automjetin që e priste shumë afër.

Pas tij kanë dalë dhe anëtarët e kryesisë, ministri Pandeli Majko dhe deputetët.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern