“Jemi në mesin e lojës” zbulohet çfarë i tha Rama deputetëve të PS pa praninë e kamerave

Zbardhet diskutimi që u zhvillua sot në mbledhjen e kryesisë së Partisë Socialiste.

Kryeministri Edi Rama u ka thënë të pranishmëve se vendimi i Ilir Metës për të shtyrë zgjedhjet ishte i pritshëm.

Më pas Rama ka shtuar se ditën e enjtë do të ketë debat shumë të gjatë parlamentar i cili do të finalizohet me rezolutën për shkarkimin e Metës.

‘Asgjë nuk ka ndal të vazhdojmë përpara me 30 Qershorin. Të shpalosim të gjithë argumentat kundër vendimit për anullimin e zgjedhjeve.

Të enjtën do të ketë debat shumë të gjatë parlamentar dhe do të finalizohet me rezolutën për shkarkimin e Metës. Duhet të fokusohemi në 30 Qershor, jemi në mesin e lojës’, është shprehur Rama.