Detajet/ I riu në Kamëz u ekzekutua me silenciator, u gjet brenda makinës me targa gjermane

35-vjeçari që u gjet i pajetë në Kamëz u vra me silenciator pasi askush nuk i dëgjoi të shtënat.

Policia e gjeti të plagosur rëndë të riun, por rrugës për në spital, 35-vjeçari ndërroi jetë.

“Më datë 23.12.2021, rreth orës 19:56, në Kodër Kamëz, në rrugën “Nikoll Vatnikaj”, në rrethana ende të paqarta dyshohet se është vrarë me armë zjarri brenda në një automjet me targa të huaja, shtetasi C. K., rreth 35 vjeç, banues në lagjen Nr.1 Bathore,” njofton policia.

Shërbimet e Policisë kanë shkuar menjëherë në vendngjarje së bashku me grupin hetimor.

Është rrethuar zona dhe vijon krehja e saj për të bërë të mundur kapjen e autorit/ëve.