Skandali me rrogat/ Ja sa paguhen politikanët në Shqipëri, ja kush e kryeson listën

Ditën e sotme një skandal është publikuar në media, ku janë bërë publike rrogat e 637.138 tatim-paguesve shqiptarë.

Në liste janë dhe kreret e politikës, që nga kryeministri Edi Rama, presidenti Ilir Meta apo kryetari i Partisë Demokratike Lulzim Basha.

Pagën më të lartë rezulton ta ketë Meta, i cili  merr 257 000 mijë lekë, i ndjekur nga Rama me një pagë mujore prej 228 730 lekë.

Databazë me të dhënat e qytetarëve të punësuar në sektorin privat dhe publik, shoqëruar me kartat e tyre të identitetit, pozicionin e punës dhe rrogën përkatëse u be publik qe diten e djeshme

Në listë janë qytetarë të punësuar jo vetëm në sektorin publik por edhe atë privat, të shoqëruar me kartat e tyre të identitetit.

Kreu i SPAK Arben Kraja merr sipas të dhënave të deklaruara në shtet 590 mijë lekë në muaj, kurse kryeprokurori Olsian Çela paguhet 320 mijë lekë në muaj.

Në Shqipëri, rreth 40 mijë persona kanë të ardhura nga 100 mijë lekë deri në 2 milionë lekë në muaj, 59 të tjerë kanë rrogë nga 2 milionë deri në 4 milionë lekë, ndërsa 23 persona kanë pagë nga 4 milionë deri në 50 milionë në muaj.