Prej një jave në paraburgim/ Dalin fotot: Ja si po e kalon kohën e lirë Lefter Koka

Ka kaluar një javë që kur ish-ministri i Mjedisit Lefter Koka u arrestua me urdhër të SPAK.

Ndërkohë ai vijon të qendrojë në qelitë e paraburgimit te “313” në Tiranë.

Duket se drejtuesit e institucionit e kanë lejuar Kokën që të dalë i vetëm në ambientet e ajrimit.

Së fundmi janë publikuar disa foto nga ambientet e paraburgimit, ku Lefter Koka shfaqet duke bërë ushtrime gjimnastikore.  Ish-ministri duket se po përpiqet të mbajë trupin në formë duke vënë në lëvizje muskujt, për të shmangur kësisoj efektet e izolimit.

Burime nga burgu 313 thanë se Koka është një i burgosur model dhe ka krijuar një marrëdhënie të mirë me gardianët.

Nuk dihet se sa do të zgjasë qëndrimi i tij në paraburgim, por sipas ligjit, një ditë në paraburgim llogaritet si një ditë e gjysëm e ditëve të dënimit definitiv. Kujtojmë që Lefter Koka ra në prangat e SPAK lidhur me aferën e inceneratorëve, ku ish-ministri akuzohet për “shpërdorim detyre”, “pastrim parash” dhe “korrupsion”.