LIGJET E BIZNESIT
Pas arrestimit nga SPAK për abuzim me fondet publike, ish-kryebashkiaku i Lushnjes ka vendosur të heqë dorë nga ankimimi në Gjykatën Kushtetuese për shkarkimin e tij nga detyra.
Fill pas arrestimit dhe shkarkimit të tij nga detyra me vendim të Këshillit të Ministrave, ish-kryebashkiaku Tushe iu drejtua Gjykatës Kushtetuese për shfuqizimin e vendimit të qeverisë shqiptare, të cilin e cilësonte si antikushtetues.
Sot Tushe ka zgjedhur të tërhiqet nga ky pretendim i tij duke pushuar çështjen e ngritur në kushtetuese.
Kujtojmë se Fatos Tushe së bashku me 8 zyrtarë të tjerë të bashkisë dhe 2 biznesmenë u arrestuan më 6 korrik me urdhër të SPAK nën akuzën e shpërdorimit të detyrës dhe përfshirjes në një tender abuziv.
