Ditën e sotme Rusia paraqiti një varg garancish sigurie që kërkon nga Perëndimi.
Në to përfshihen dhe premtimet për të hequr dorë nga aktivitetet ushtarake në Ukrainë dhe Evropë Lindore dhe moszgjerim të mëtejshëm të NATO-s.
Zv.ministri rus i Punëve të Jashtme Sergei Ryabkov, u tha gazetarëve se Rusia dhe Perëndimi duhet të fillojnë nga një fletë e pastër për t’i rindërtuar marrëdhëniet, shkruan Reuters.
Agjencia e lajmeve “RIA” i përmblodhi propozimet e Moskës si në vijim:
– Të përjashtohen zgjerimi i mëtejmë i NATO-s dhe pranimi i Ukrainës në aleancë;
– Të mos dërgohen trupa dhe armë shtesë jashtë shteteve ku kanë qenë në maj të vitit 1997 (para se ndonjë shtet i Evropës Lindore t’i bashkohej NATO-s), me përjashtim të rasteve të veçanta, me pëlqimin e Rusisë dhe anëtareve të NATO-s;
– Të braktisen të gjitha aktivitetet ushtarake të NATO-s në Ukrainë, Evropë Lindore, Kaukaz dhe Azi Qendrore;
– Të mos vihen në gjendje gatishmërie raketa me rreze të shkurtër dhe të mesme aty ku mund ta godasin territorin e palës tjetër;
– Të mos kryhen ushtrime me më shumë se një brigadë ushtarake në një zonë kufitare sipas marrëveshjes dhe të mos shkëmbehen rregullisht informata rreth ushtrimeve ushtarake;
– Të konfirmohet që palët nuk e cilësojnë njëra-tjetrën si armike dhe të pajtohen për zgjidhjen e të gjitha mosmarrëveshjeve në mënyrë paqësore dhe të përmbahen nga përdorimi i forcës;
– Të ketë zotim për të mos krijuar kushte që mund të perceptohen si kërcënim nga pala tjetër;
– Të krijohen linja për kontakte urgjente.
