Një aksident i rëndë ka ndodhur pasditen e djeshme në Gramsh.
Bëhet me dije se aksidenti ka ndodhur në fshatin Bregas, ku në “Fuoristradë” me targa SK 145 BA ka devijuar nga rruga dhe është rrokullisur anash saj.
Si pasojë e përplasjes mjeti ka pësuar dëme dhe shoferi është bllokuar brenda.
Banorët e zonës janë munduar të japin ndihmën e shpejtë por ka qenë e pa mundur për ta shpëtuar drejtuesin.
Më pas në ndihmë kanë ardhur zjarrëfikësit që kanë bërë të mundur nxjerrjen e shoferit nga mjeti, i cili më pas është transportuar drejt spitalit për të marrë ndihmën e nevojshme mjekësore.
Grupi hetimor po punon për zbardhjen e rrethanave dhe shkaqeve të aksidentit.
