I mori jetën Jurgen Dukës/ Ky është efektivi i policisë që bëri vrasjen në Tiranë (FOTO)

Arbër Sula është efektivi që u shpall në kërkim nga policia për vrasjen e ndodhur mbrëmë pas mesnate në rrugën “Irfan Tomini” në Tiranë.

Pas një konflikti të momentit, autori qëlloi me armë zjarri drejt Jurgen Dukës, duke e lënë të vdekur në vend.

“Në vijim të veprimeve  të kryera nga grupi hetimor, pas këqyrjes së pamjeve filmike dhe verifikimeve të kryera, është  bërë i mundur identifikimi i autorit të dyshuar të vrasjes së shtetasit Jurgen Duka (Mëziri), i cili është shtetasi Arbër Sula, banues në Sauk, punonjës policie në DVP Dibër”, njoftoi Policia, teksa bënte me dije se kishte identifikuar autorin.

Sipas uniformave blu, autori i dyshuar nuk ka qenë në shërbim gjatë ngjarjes, ama me vete mbante armën e zjarrit pistoletë. Ende nuk është saktësuar ende nëse pistoleta ishte ajo që mbante gjatë detyrës në Dibër, apo polici Arbër Sula lëvizte me armë tjetër pa leje.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern