Një lajm i hidhur vjen së fundmi për artin dhe kulturën shqiptare.
Është ndarë nga jeta poeti i njohur Arben Duka.
Mësohet se ai mbylli sytë përgjithmonë në moshën 64-vjeçare për shkak të problemeve të rënda shëndetësore nga të cilat vuante prej kohësh.
“Lamtumirë Arben Duka! Mirëmbeç Poet i pavdekshëm!!!”, shkruan kolegu i tij Aleksandër Çipa me anë të një mesazhi në rrjetet sociale.
Arben Duka lind në Labovë të Gjirokastrës. Ka mbaruar Akademinë Ushtarake dhe Universitetin “Aleksandër Xhuvani”.
Është autor i mbi pesëdhjetë vëllimeve poetike të botuara e të ribotuara deri në pesë herë. Është bashkëautor në rreth tre mijë këngë të të gjitha zhanërve duke filluar qysh nga viti 1974.
