Vijon situata e  trazuar brenda Partisë Demokratike, ku vetëm sot ka patur zhvillime të forta, sidomos në selinë blu.

Deputeti Belind Këlliçi ka lëshuar akuza të forta në drejtim të liderit Lulzim Basha.

Sipas tij, persona të komanduar nga kryedemokrati i kanë vjedhur zyrën, duke i marrë disa sende personale.

“Janë prekur sende personale, harddiksu im personal, janë kujtime familjare. Është vetëm një kopje personale. Janë prekur dokumenta të shkollës personale. Nuk kisha menduar kurrë që do më vidhet zyra. S’ma ka marrë mendja që e bën Lulzim Basha këtë. Të të vijë zor. Të vijë turp. E ke çuar PD-në në pikën e fundit.

Nuk i ke bërë Bëlind Këlliçit asgjë. Të të vijë zor. Megjithatë do pres këtu. Kemi 35 minuta që presim këtu. I kemi të rinjtë këtu, le të flasin vetë. Ne shkuam të bëjmë mbledhje, kjo është pronë e demokratëve. Më vjen keq që duhet të shohim këto skena. 6 ditë na ndajnë nga ky drejtim i tmerrshëm që i është bërë PD-së këto vite.

I bëj thirrje të rinjve të FRPD-së të vetëpërmbahen. Ne do i shkojmë deri në fund. Nëse kujtojnë se do trembin të rinjtë e kanë shumë”, tha Këlliçi.