U shpall i pavlefshëm/ Rihidhet shorti i “Champions League”, ja cilat janë përballjet e reja

Shorti i hedhur disa orë më parë në Champions League u bë i pavlefshëm për shkak të një gabimi teknik.

Manchester United fillimisht i ra përballja me Villareal, ndërkohë që nuk mund të luante me spanjollët duke qenë se ishin ndeshur në fazën e grupeve, ndërsa sërish një tjetër gabim lidhur me Djajtë e Kuq, ishte edhe ai kur u hoqën si opsion për tu ndeshur me Atletico Madrid.

Në fakt, nuk kishte asnjë arsye për ta bërë këtë, ndërsa tashmë shorti është hedhur edhe njëherë tjetër për të vendosur raundin e 1/16-tave. Goglat kanë vendosur përballje spektakolare si Atletico Madrid-Manchester United (ku Ronaldo rikthehet në Madrid, si në kohën kur luante derbin me fanellën e Realit), Inter-Liverpool dhe PSG-Real Madrid (ku Messi sfidon Los Blancos), teksa goglat janë treguar të mëshirshme për Bayern Munich që luan ndaj Salzburg, apo edhe për Juventus që niset favorit ndaj Villareal.

Nga ana tjetër, Manchester City e nis këtë fazë në transfertë ndaj Sportingut të Lisbonës, ndërsa Chelsea (kampionia në fuqi) pret përballjet me Lille.

Shorti i fazës së 1/16-tave: 

Salzburg-Bayern Munich
Sporting Lisbon-Manchester City
Benfica-Ajax
Chelsea-Lille
Atletico Madrid-Manchester United
Villareal-Juventus
Inter-Liverpool
PSG-Real Madrid