Shkon 7,2 metra niveli i ujit në lumin e Vjosës, 11 familje lënë shtëpitë

Ka shkuar në 7,2 metra niveli i ujit në lumin Vjosë në zonën e Novoselës, si pasojë e shirave, në atë që quhet pikë kritike për këtë zonë .

11 familje që kanë ndërtuar banesat në afërsi të bregut të lumit  janë larguar. Situata është duke u mbajtur nën monitorim ndërkohë që kreu i Bashkisë Vlore Dritan Leli ka konfirmuar se situata po vëzhgohet me kujdes.

“Aktualisht niveli i Vjosës është 7.2 metër është në një pikë kritike, por prej më shumë se një ore nuk po rritet më. Të gjithë familjet që kanë shtëpinë afër bregut të lumit, ashtu edhe blegtorët janë larguar nga zonat me rrezik, pasi janë informuar në kohë. Jemi të gjithë në territor për të bërë maksimumin. Shirat vazhdojnë akoma siç e shikoni, megjithatë situata do vlerësim, po japim maksimumin për ta normalizuar.”, tha kryebashkiaku.

“Në zonën e Tepelenës dhe Memaliajt niveli i Vjosës është 7,5 metër, në Përmet 6,8 ka një rënie të lehtë 20 cm. në Shushicë, për fat të mirë ka një tërheqje të ujërave nga Fushat e Llakatundit, të cilat janë larguar në pjesë më të madhe të tyre. “, tha ai.