LIGJET E BIZNESIT
Teksa po zhvillohen punimet e Kuvendit Kombëtar të thirrur nga ish-kryeministri Sali Berisha në stadiumin “Air Albania”, forca të shumta policie kanë rrethuar selinë e Partisë Demokratike.
Ashtu siç shihet dhe nga pamjet e mëposhtme, vihet re një prani e madhe efektivësh dhe furgonash në të gjithë perimetrin e gjerë përreth godinës.
Konkretisht, shtatë furgona policie ndodhen në hapësirën e sallës së seancave plenare, që është ngjitur me selinë blu.
Ndërkohë furgonë të tjerë ka edhe ngjitur me Xhaminë e Namazgjasë.
Nuk ka trazira, këto janë masa paraprake të marra nga Policia e Shtetit teksa pritet të përfundojë edhe Kuvendi i thirrur nga Berisha, në të cilin po votohet shkarkimi i kreut të PD, Lulzim Basha.
Më herët delegatët votuan shkarkimin e Sekretarit të Përgjithshëm të PD-së, Gazment Bardhi si edhe të tre nënkryetarëve Jorida Tabaku, Grida Duma dhe Enkelejd Alibeaj.
