LIGJET E BIZNESIT
Gjatë fjalës së tij në Kuvendin Kombëtar, ish-kryeministri Sali berisha sfidoi dhe njëherë publikisht Departamentin Amerikan të Shtetit.
Ai i bëri thirrje që të dorëzojnë në gjykatën e Parisit provat kundër tij për të legjitimuar shpalljen “non-grata”, në të kundërt paralajmëroi se do të vijojë misionin që ka nisur.
“Prandaj nisa betejën po aq i vendosur si 30 vjet më parë të bëj gjithcka për dinjitetin tim. Kam muaj që pres, asnjë fakt, dokument, provë, për faktin e vetëm se nuk ekzistojnë. Edhe një herë nga kjo sallë u bëj thirrje zyrtarëve të DASH të cojnë në Paris cdo provë që kanë, ti bëjnë publike, dhe unë marr cdo vendim ndaj vetes sime. Ftoj cilindo mbi tokë që ka një provë të vetme ta paraqes publikisht. Sali Berisha merr vendimin e duhur.
Duke qenë i përulur para të vërtetës do vazhdoj pakthyeshëm misionin tim. Si besimtar i Zotit dhe dinjitetit të njeriut, beteja ime nuk do ndalet kurrë. Ftoj zyrtarët e DASH të rishqyrtojnë vendimet e tyre, sepse arroganca dhe gabimi nuk janë virtyte të njerëzve të lirë. Ju grantoj se do vazhdoj i palëkundur misionin tim së bashku me ju për të përmbysur narko-shtetin në Shqipëri, për të rikthyer në pushtet PD-në, si parti e vlerave të lirisë”, tha Berisha.
