U inagurua pak muaj më parë, shembet tuneli Kardhiq-Delvinë

Tuneli i Skërficës, pjesë e rrugës Kardhiq-Delvinë është mbuluar nga dherat dhe gurët pasditen e sotme për shkak të një shembje të regjistruar në afërsi të daljes.

Sipas inxhinierëve të veprës, nesër do të kryhet verifikimi teknik.

Kjo do të ndodhë për të parë nëse kemi të bëjmë me një dëm serioz apo një shembje të shptatit, të vendosur mbi hyrjen e tunelit për shkak të reshjeve  të dendura të shiut.

Tuneli me gjatësi 1613 metër u hap plotësisht pak muaj më parë, ndërsa në të gjithë aksin janë duke u kryer punime finale.

Ky aks, që nisi më shumë se një dekadë më parë pritet t’i shërbejë interesave të turizmit në këtë zonë por edhe banorëve të më shumë se 20 fshatrave në luginën e Kardhiqit dhe atë të Rrëzomës në Delvinë.