Kryetari i Partisë Demokratike pak orë para se të fillojë protesta e Opozitës ka shpërndarë një mesazh disi ndryshe për të gjithë ata që janë nisur drejt Tiranës për të marrë pjesë në këtë manifestim. Basha përmes një video përcjell për të gjithë popullin Opozitar në vend mesazhet kundër qeverisë në një mënyrë pak më të ashpër.
Basha thotë ndër të tjera se populli ia ka hequr vizën, atij që ai e quan kryeministri i Avdylajve.
“Protesta, përballja, bashkimi kundër padrejtësisë është e vetmja shpresë për shumicën e shqiptarëve që duan një vend normal, ku qeveria të punojë për ta e jo për krimin. Sonte në ora 19.00 të bashkohemi si asnjëherë me njëri-tjetrin në protestën kombëtare për t’i treguar kryeministrit ilegjitim të Avdylajve, se populli ia ka hequr vizën! Asnjë hap pas! #ShqipëriasiEuropa”, shkruan Basha.
