E dini sa orë gjumë në nevojitet për të qenë sa më të shëndetshëm? Sipas një studimi, i cili përfshiu 100 të moshuar u vu re se personat që flinin 8 orë gjumë kishin funksionim më të mirë të trurit.
Të rriturit duhet të flenë të paktën shtatë orë gjatë natës, ndërsa fëmijët e shkollës fillore duhet të flenë 9 deri në 12 orë dhe adoleshentët 8 deri deri në 10 orë, sipas Qendrave Amerikane për Kontrollin dhe Parandalimin e Sëmundjeve, shkruan CNN.
Personat e rritur zakonisht përpiqen të flenë shtatë orë të plota. Por të bësh një gjumë të mirë dhe të rehatshëm do të thotë të flesh më shumë se disa orë. Gjithashtu cilësia e gjumit është shumë e rëndësishme.
Si të përmirësoni gjumin e thellë?
Lajmi i mirë është se ju mund të stërvitni trurin tuaj për të arritur gjumë më të mirë, duke i dhënë kështu trupit tuaj më shumë kohë për të kaluar si në gjumë të thellë “REMA” ashtu edhe regjenerues.
Të shkosh në shtrat dhe të zgjohesh në të njëjtat orë çdo ditë, përfshirë fundjavat, është një këshillë kryesore për ta futur trurin në rrugën drejt gjumit më të mirë, thonë ekspertët.
Një tjetër mënëyrë për të patur një gjumë të mirë është fakti që të krijoni mjedisin tuaj të gjumit dhe një rutinë relaksuese të gjumit.
Yoga, një dush i ngrohtë, një libër i mirë por jo shumë emocionues, këto janë të gjitha mënyra për të ndihmuar trupin tuaj të relaksohet në gjumë.
