LIGJET E BIZNESIT
Ish-kryeministri Sali Berisha tha se nuk ka pasur lidhje me internimin e mjekes Margarita Kostaqi, gjë e deklaruar nga vetë kjo e fundit për “Fiks Fare”.
Berisha tha se ka zhvilluar një takim me mjeken në fjalë, ku dëshmitar sipas tij ka qenë edhe vetë gazetari Blendi Fevziu. Nga studioja, Fevziu e pohoi këtë gjë, por tha se detajet nuk i mbante mend.
Pjesë nga biseda:
Sali Berisha: Aty ka qenë një dëshmitar Blendi Fevziu. Isha duke pirë kafe në Rogner. Dhe shoqja ime më përqafoi e më tha Sali më nxirr në ndonjë televizion që t’i demaskoj këta që shpifin. Ju kujtohet Fevzi?
Blendi Fevziu: Po, e mbaj mend
Sali Berisha:Po, mjekja…
Blendi Fevziu: Por detajet s’i di mirë, kjo ishte mjekja për të cilën ju akuzojnë?
Sali Berisha:Po, mjekja Margarita Kostaqi. Ajo ka qenë një mjeke e nderuar, kam punua me të në një klinikë për shumë vite, ishte bashkëshortja e mjekut personal të Mehmet Shehut. Kur kryeministri vrau veten, personeli e dëbonin e internonin dhe e burgosnin. Përshembull oficerin Halit Cenon e burgosën. Nuk mund të ishte kurrë kompetencë e lokaleve, në atë kohë s’kisha asnjë kompetencë. Unë kam qenë sekretar partie në vitin 1979. Kjo është historia, e gjitha shpifje. Ajo në sy të Fevziut më ka thënë majepni mundësinë t’jua marr fytyrën këtyre që shpifin.
