E trishtë/ 19-vjeçari nga Tirana kryen marrëdhenie me një 13-vjeçare, e mitura rrihet edhe nga nëna

Policia e Tiranës ka arrestuar një 19-vjeçar.

Ai akuzohet se para një muaji ka kryer marrëdhënie seksuale me një të mitur 13-vjeç.

Më pas vajza është rrahur edhe nga nëna e saj, shtetasja me iniciale R. S., 42 vjeç.

Kjo e fundit është vënë nën hetim nga policia.

“Specialistët për Hetimin e Krimeve në Komisariatin e Policisë Nr. 6 bënë ndalimin e shtetasit E. D., 19 vjeç, pasi dyshohet se para një muaji, ka kryer marrëdhënie seksuale me një shtetase të mitur 13 vjeçe.

Gjithashtu u procedua penalisht nëna e 13-vjeçares, shtetasja R. S., 42 vjeçe, pasi ka ushtruar dhunë fizike ndaj saj”, njofton policia.

Policia bën me dije se materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale.