Opozita proteston sot pasdite, Berisha ‘tregon’ se ku ndodhet Rama: I lemeritur në tunelin e Krrabës

Vetëm pak orë para protestës së opozitës, ish-kryeministri Sali Berisha shkruan se Edi Rama është larguar nga banesa e tij në Surrel.

Sipas Berishës, Rama ndodhet në tunelet e Krrabës, i fshehur nga frika e protestës së sotme.

“Cunami super gjigand per voten e lire po afron. Rama largohet i lemeritur nga Surreli drejt tuneleve te Krrabes me soj e sorollop. Kakistokracia po shkerrmoqet. Rama ik, ik, ik! Fitore!,”-shkruan Berisha.

Opozita e bashkuar do të mbajë sot protestën e 8-të mbarëkombëtare.

Në terren janë të angazhuar 1300 efektivë policie dhe risia e sotme është se terreni i protestës do të jetë  ndricuar me projektorë të cilët do të bëjnë të mundur identifikimin e protestuesve në raste dhune.

Në protestën e parafundit më 2 qershor, kryetari i PD Lulzim Basha paralajmëroi se ishte hera e fundit që ai fliste me fjalë, pasi tanimë do të vendosë sovrani.

Prej muajsh opozita ndodhet në protesta duke kërkuar largimin e qeverisë Rama dhe kalimin në zgjedhje të parakohshme parlamentare.