“Pres ta takoj në Washington sa më shpejt” Escobar jep mesazhin e qartë pas takimit me Bashën

Takimi mes zëvendës-ndihmës Sekretarit të Shtetit të SHBA për Çështjet Europiane dhe Euroaziatike dhe i Dërguari i Posaçëm për Ballkanin Perëndimor Gabriel Escobar dhe kryetarit të Partisë Demokratike Lulzim Basha, ka zgjatur rreth një orë.

Në një prononcim për mediat, Escobar ka ftuar Bashën në një takim në Washington.

“Unë jam shumë i kënaqur që jam në Tiranë. Është vizita e parë në Shqipëri dhe më kanë rezervuar një mirëpritje të ngrohtë. Jam i lumtur që u takova me opozitën dhe ata shprehën angazhimin ndaj NATO-s dhe luftën ndaj korrupsionit. Jemi të kënaqur që jemi pjesë e kësaj me përpjekjet tona kundër korrupsionit dhe saksionet. Kërkojmë përkushtim nga institucionet shqiptare për ta kthyer në realitet. Pres me kënaqësi të zhvilloj bisedime të tjera dhe pres me kënaqësi vazhdimin e marrëdhënieve me PD. Dhe gjithashtu pres që ta takoj zotin Basha në Washington sa më shpejt të ketë mundësi”, tha Escobar.

Zyrtari amerikan shoqërohej në takim nga ambasadorja amerikane në vendin tonë, Yuri Kim.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern