Ndihmës Sekretari i Shtetit i SHBA për Çështjet Europiane dhe Euroaziatike dhe i Dërguari i Posaçëm për Ballkanin Perëndimor Gabriel Escobar, ka mbërritur sot në Tiranë.
Ai ka “zbarkuar” në selinë e Partisë Demokratike, i shoqëruar nga ambasadorja amerikane Yuri Kim.
Gabriel Escobar është pritur aty nga Sekretari i Përgjithshëm Gazment Bardhi dhe deputetja Jorida Tabaku.
Vizita e Escobar në Tiranë, vjen vetëm dy ditë para Kuvendit të thirrur nga Sali Berisha, i cili është i shpallur ‘non grata’ nga SHBA për korrupsion dhe minim të demokracisë. Vetëm dy ditë më parë, ambasada e SHBA-së, tha se vizita e tij është për të konfirmuar gjithashtu vendosmërinë e Shteteve të Bashkuara për të luftuar korrupsionin, pandëshkueshmërinë dhe përpjekjet për të minuar demokracinë në Ballkanin Perëndimor.
