Eugena Tominit i besohet posti i rëndësishëm 

Eugena Tomini do të jetë drejtoresha e re e Institutit të Shëndetit Publik.

Tomini është liruar nga detyra e zëvendës ministres së Shëndetësisë të cilën e mbante deri më tani për të plotësuar vakancën e krijuar në këtë institucion pas largimit të Albana Ficos dhe emërimit të saj drejtoreshë e Qendrës Spitalore Universitare ‘Nënë Tereza”.

Vendimi u mor ditën e sotme në mbledhjen e qeverisë e cila që prej krijimit të saj pas zgjedhjeve të prillit 2021 drejtohet nga zv.kryeministri Arben Ahmetaj.