Mesazhi prekës i aktores Adriana Matoshi pas operacionit nga sëmundja e keqe

Përmes një postimi në rrjetet sociale, aktorja Adriana Matoshi falenderoi të gjithë ata që e mbështetën gjatë sprovës që kaloi pak ditë më parë.

Ajo iu nënshtrua një operacioni pasi mjekët i diagnostikuan një tumor për herë të dytë pas 9 vitesh.

“Mos prisni veç ditëlindje, Bajram, Vit të Ri, Krishtlindje dhe Pashkë për me u dashtë. Gëzojeni jetën edhe në ditët e rëndomta. Gjejeni motivin e pozitivitetin për çdo ditë që gëzoni shëndet.

Gjeneratat e reja të doktorëve e infermierëve nuk duhet me i lën me ik prej këtu. Nuk i kanë njerëzit krejt kushtet me u mjeku jashtë vendit, e na duhet të investojmë në këto gjenerata të reja, se besoj që edhe për ata është më i vlefshëm kontributi në vendin e tyre”, shkruan ajo.