Avokati Spartak Ngjela njihet për deklaratat e tij të forta.
Së fundmi ai është shprehur se fakti që i dërguari i SHBA për Ballkanin Perëndimor Gabriel Escobar do të mbërrijë në Tiranë dhe nuk ka përfshirë në axhendë ish-kryeministrinn Sali Berisha dhe presidentin Ilir Meta, tregon Shumë.
Sipas Ngjelës, kjo ndodh dy ditë para se Sali Berisha të mbledhë në stadiumin “Air Albania” mbështetësit për Kuvendin e Partisë Demokratike të thirrur prej tij më 11 dhjetor.
Këtë avokati e cilëson si një tregues se Meta dhe Berisha janë të rrezikuar nga politika e SHBA dhe tregon që amerikanët i kanë distancuar të dy.
“E kuptojnë dhe pulat e lagjes sime, janë të dy të rrezikuar nga politika amerikane, janë më të akuzuarit për korrupsion, madje Meta është pushuar dhe si president nga parlamenti, pritet që të shkojë në Gjykatën Kushtetuese, nuk kanë lidhje me Shqipërinë, Shqipëria nuk mund të dalë kundër perëndimit, pse se do Saliu. Flitet për interesin e Shqipërisë, jo të Saliut, s’i pranon Amerika, ky është akt, ai është ‘Non Grata’, si do e takojë ai. Fakti që nuk po shkon te Meta i kanë diferencuar të dy”, tha Ngjela.
