Nuk i harron dy gishtat/ U pyet për debatet brenda PD, Meta përgjigjet me këtë gjest (FOTO)

Në kuadër të Ditës së Rinisë, teksa po bënte homazhe pranë shtatores së Azem Hajdarit, presidenti Ilir Meta nuk i shpëtoi pyetjeve të gazetarëve për atë që po ndodh brenda Partisë Demokratike.

Duke iu shmangur përgjigjes, Kreu i Shtetit nënvizoi faktin se e rëndësishme është që vendi të kthehet në shinat e duhura.

Pyetja: Meqë sot jemi 31 vite nga lëvizje e dhjetorit. Si e shihni ju si president ndarjen e PD sot, që ka qenë edhe gur themeli i demokracisë.

Meta: Nuk jam këtu për t’u marrë me çështje të tilla. E rëndësishme është liria, demokracia, pluralizmi politik të kthehen në shinat e duhura, së bashku me të ardhmen europiane. Vota e lirë, gjthëpërfshirja mbeten vendimtare në këtë proces. Në fund fare, liri demokraci. Jo më vonë por tani! (Tha në fund, duke bërë me dy gishta).

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern