Çfarë po ndodh? Certifikata e vaksinimit nuk do jetë më e vlefshme 9 muaj pasi dozës së dytë

Ministrat e BE-së po diskutojnë që vlefshmërinë e certifikatës së vaksinimit ta reduktojnë në nëntë muaj. Pra, nëntë muaj nga bërja e dy dozave, në qoftë se nuk aplikohet një dozë e tretë, atëherë certifikata e vaksinimit nuk do të jetë më e vlefshme.

Kjo është duke u parë në bllok si një mënyrë për të ushtruar më shumë presion tek qytetarët të cilët hezitojnë të vaksinohen. Ndonëse deri më tani një numër i konsiderueshëm vendesh e mbështesin këtë propozim, disa shtete këmbëngulin që vlefshmëria e certifikatës të jetë 12 muaj.

Presidenca sllovene ka sugjeruar që kjo masa të hyjë në fuqi nga data 1 shkurt dhe vendimi pritet të merret në nivel ambasadorësh javën tjetër.