LIGJET E BIZNESIT
Lëvizja studentore e dhjetorit 1990 solli ndryshimin e madh në Shqipëri duke shënuar edhe rënien përfundimtare të regjimit komunist. Protestat studentore të dhjetorit sollën pluralizmin politik në vendin tonë. Për të kujtuar këto protesta i ftuar në “Radarin Informativ” ishte gazetari Blendi Fevziu i cili ka rrëfyer të gjithë përjetimin e tij.
Fevziu ka treguar po ashtu edhe ndjesinë e frikës më të madhe që e kishte pushtuar ndonjëherë dhe ishte pikërisht ajo e policisë së asaj kohe në momentin kur sapo kishte nisur protesta studentore. Megjithatë Fevziu tha se frikën e kishte vrarë sapo kishte parë shokët e tij të kapur dorë për dorë duke protestuar.
“Ngela në kordonin e policisë. Ka qenë momenti i parë që e kam ndjerë frikën në qënien time. U shfaq katërshja e parë. 4 veta që ishin kapur në rreshtin e parë. Ishte Azem Hajdari, një nga Korça dhe një shoku im që ishte ne rreshtin e parë. Vura re se grupi i parë shtrëngoheshin me njëri tjetrin. Ka qenë momenti i parë. Të gjithë atë frikë kur pash shokun e klasës u zhduk frika dhe ky ishte momenti kur kam vrarë frikën. U rrotullova tek ambasada Amerikane dhe u futa në turmë derisa u shpërndamë me forcë. Erdhën shumë qytetarë të Tiranës. Të gjithë hapën dyert për të pritur studentët. Ne e dinim se komunizmi kishte humbur. Edhe asnjë nuk ka nxjerr jashtë studentët që u shpërndanë me forcë.” tha Fevziu.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
