LIGJET E BIZNESIT
Këshilltari ligjor i presidentit Ilir Meta, Bledar Dervishaj, ka dalë në konferencën e paralajmëruar ku ka diskutuar në lidhje me vendimin e Gjykatës Kushtetuese për zgjedhjet vendore të 30 qershorit.
Ai bëri me dije se për fat të keq Kushtetuesja nuk i dha përgjigje jo vetëm pyetjeve që iu drejtuan nga palët e interesuara por nuk dha një vendim themeli.
Sipas Presidencës, Gjykata Kushtetuese tregoi se nuk pati vullnet për ti dhënë një zgjidhje çështjes.
“Gjykata ia la çështjen juridiksionit politik, duke cënuar rëndë parimet e transparencës dhe procesit të rregullt gjyqësor”, tha këshilltari i Presidentit. Sipas tij, Kushtetuesja nuk ka përmbushur rolin e saj dhe vendimi i Gjykatës nuk thotë asgjë, përveç se rrëzon kërkesën e Shoqatës së Bashkive, duke shpallur moskompetencën.
“Gjykata Kushtetuese me vendimmarrjen e saj e la çështjen pa zgjidhje përfundimtare. Nuk mori guximin për tu përgjigjur pyetjeve në objekt shqyrtim.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
A ju mohua shqiptarëve e drejta për të zgjedhur në mënyrë të fshehtë të pandikuar?
A mundet sipas kushtetues të zhvillohen zgjedhje pa një datë nga Presidenti? A ishin votimet për pushtetin qendror në barazi me vlerat dhe parimet?
A mundet data e zgjedhjeve të diktohet nga Kuvendi? A mundet një garë kur paraqitet vetëm një kandidat?
Kushtetuesja ka cënuar rëndë transparencën dhe procesin ligjore. Më 23 qershor, Kushtetuesja pasi dëgjoi palët, vendosi të pezullojë çështjen dhe ti drejtohet Venecias.” tha Presidenca mes të tjerash”, tha ai.
