Punoi 34 vite si shofere autobuzi, shefat e largojnë nga puna për arsyen e çuditshme

Një shofere autobusi ka mbetur pa punë pas 34 vitesh pasi u pushua me arsyetimin e vetëm se ishte “shumë e shkurtër”. Tracy Paul Scholes punoi si shofere në Manchester për më shumë se 30 vjet dhe shkarkimi i saj u njoftua muajin e kaluar.

Arsyeja që ata e pushuan ishte pasi kompania e autobusëve ku ajo punonte, kishte ripozicionuar pasqyrat në automjetet e saj, që do të thotë se gjatësia e Tracy nuk i arrinte më.

Shefat e saj thanë se me këtë ndryshim, gruaja nuk kishte më aftësinë për të drejtuar autobusët e sigurt dhe i ofruan një pozicion tjetër në kompani, por me më pak orë dhe sigurisht një pagë më të ulët.

57-vjeçarja e refuzoi ofertën, ndërsa iu ofrua edhe një “afat” 12 javësh për të dhënë përgjigjen e saj përfundimtare.

“Jam e ve me tre fëmijë, kam një kredi për shtëpinë dhe Krishtlindjet po afrojnë. Nuk më është dashur kurrë të flas me shefat gjatë gjithë këtyre viteve. Gjithmonë zgjidhja çdo problem vetëm”-tregoo Tracy.

Ndërkohë, ajo ka mbledhur më shumë se 1700 firma “mbështetjeje” nga kolegët e saj.