LIGJET E BIZNESIT
Vendimi i Gjykatës Kushtetuese për 30 qershorin ka mbërritur në Institucionin e Presidentit.
Presidenti Ilir Meta do të ketë nesër një qëndrim zyrtar për këtë vendim.
Kjo është bërë e ditur nga vetë zëdhënësi i tij Tedi Blushi, i cili përmes një postimi në rrjetin social Facebook, shkruan se qëndrimi zyrtar do të bëhet publik për opinionin vendas dhe atë ndërkombëtar.
“Sot në mesditë ka mbërritur në protokollin e Institucionit të Presidentit të Republikës njoftimi i Gjykatës Kushtetuese për vendimmarrjen e saj për çështjen e zgjedhjeve vendore 2019.
Në respekt të transparencës dhe për rëndësinë e veçantë, që ka kjo çështje për të gjithë qytetarët, brenda ditës së nesërme Institucioni i Presidentit të Republikës do të ketë një qëndrim zyrtar, që do ta bëjë publik për opinionin vendas dhe ndërkombëtar”, shkruan Blushi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
