Pas urdhërit të Gledis Nanos/ Dy police rezultojnë pozitive në testin e drogës, ja në cilin qytet

Pasi i janë nënshtruar testit të drogës, dy punonjëse policie të Patrullës së Përgjithshme në Elbasan kanë rezultuar pozitive.

Ato janë të moshës rreth 25 vjeç.

Kujtojmë se javët e fundit punonjësit e Policisë së Shtetit po i nënshtrohen testit të drogës pas urdhërit të Drejtorit të Përgjithshëm Gledis Nano.

Në të përcaktohej se çdo efektiv do t’i nënshtrohej 2 analizave të gjakut dhe urinës me qëllim kryqëzimin e rezultateve për shmangien e ndonjë gabimi apo pasaktësie.

Kjo mënyrë e të kryerit të testin është pasi analiza e urinës vërteton praninë e substancave narkotike për një periudhë 5 ditore, ndërsa e gjakut mund të identifikojë përdoruesit maksimumi deri në dy javë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Nano ka paralajmëruar se efektivët që dalin pozitiv do të lirohen menjëherë nga detyra, ndërsa për raste specifike mund të ketë edhe nisje të hetimeve apo masa shtrënguese. Deri më tani nuk ka një raportim të saktë se sa është numri i punonjësve të policisë që i janë nënshtruar testit dhe nëse ka të tjerë që kanë dalë përdorues droge.