Ish-kryetari i Kuvendit Gramoz Ruçi feston sot 70 vjetorin e lindjes.
Në këtë ditë të shënuar për të, nuk ka munguar as urimi i kryeministrit Edi Rama, edhe pse ky i fundit ndodhet në SHBA.
Ai ka ndarë në rrjetet sociale një foto të Ruçit duke nderuar himnin kombëtar ku shkruan: “Edhe 100”.
Në përvjetorin e lindjes së Ruçit edhe socialistë të tjerë kanë përcjellë një mesazh urimi, ndër to numri dy i PS, Damian Gjiknuri dhe ministrja për marrëdhënet me Parlamentin Elisa Spiropali.
Kujtojmë se kryeministri Edi Rama ndodhet aktualisht në SHBA në kuadër të një vizite për nënshkrimin e memorandumeve bashkëpunuese, kryesisht në fushën e arsimit.
