LIGJET E BIZNESIT
Pas përkeqësimit të motit, Instituti i Gjeoshkencave ka publikuar të dhënat më të fundit në lidhje me situatën në vend.
Gjithashtu në të parashikohen dhe zonat që janë më të rrezikuara nga përmbytjet.
PARASHIKIM I RREZIKUT NGA PËRMBYTJET
Sipas llogaritjeve të IGJEO, gjatë ditës së sotme (e hënë, datë 6) vijojnë reshje me intensitet mesatar, të cilat do të jenë më të përqendruara në jug të territorit. Në qarqet Berat, Vlorë dhe Gjirokastër mund të ketë vërshime të shpejta të lumenjve të vegjël malorë dhe rrëshqitje të dherave. Në zonat urbane, pothuajse në të gjithë territorin, mund të shfaqen probleme me përmbytje të lokalizuara, kryesisht përgjatë datës 6 dhjetor 2021, në varësi të gjendjes së kanalizimeve. Për shkak të rënies së intensitetit të reshjeve, gjatë ditës së nesërme (e martë, datë 7), pritet të ketë një përmirësim të situatës. Ky informacion do të përditësohet nga IGJEO sipas llogaritjeve më të fundit hidrologjike dhe do të njoftoheni për çdo ndryshim në parashikimin e rrezikut të përmbytjeve.
PARASHIKIMI METEO
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
RESHJET
Sot pasdite (e hënë, datë 6) priten reshje mesatare në qarqet Berat, Vlorë dhe Gjirokastër dhe deri lokalisht mesatare në shumicën e qarqeve të tjera. Nesër (e martë, datë 7) priten reshje të dobëta në të gjitha qarqet (siç tregohet në tabelë, respektivisht për secilin qark). Sot pasdite, në jug të territorit, reshjet pritet të shoqërohen me shtrëngata.
TEMPERATURAT
Nesër (e martë, datë 7) temperaturat minimale dhe maksimale të ajrit pritet të arrijnë:
në bregdet: 8/12 °C
në vendet e ulëta: 7/12 °C
në vendet malore: 0/6 °C
Era
Sot pasdite (e hënë, datë 6) dhe nesër (e martë, datë 7) era pritet të fryjë e lehtë deri mesatare, por në bregdet e fortë.
