LIGJET E BIZNESIT
Pasi policia e Lezhës konfirmoi se nipi i tij Ramazan Rraja është shpallur në kërkim si i dyshuar për një ngjarje që ka ndodhur një muaj më parë, ka ardhur dhe reagimi i deputetit të Partisë Socialiste, Rrahman Rraja.
Ky i fundit ka thënë në një prononcim për mediat se ka tre muaj që nuk ka folur me nipin.
“Kam tre muaj që nuk kam asnjë kontakt, nuk e dija që ishte i përfshirë në këtë ngjarje. Unë e di se ai është jashtë shtetit”, është shprehur deputeti Rrahman Rraja.
28-vjeçari bashkë me dy shokët e tij dyshohet se tentuan të rrëmbenin një person dhe u futën në një lokal ne fshatin Zejmen te Lezhes me armë e maska.
Policia tha sot në njoftimin për mediat se të tre të dyshuarit rezulton se menjëherë pas ngjarjes janë larguar jashtë vendit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Shkaku i ngjarjes
Nga tërësia e veprimeve hetimore policia ka zbuluar se për shkak të një konflikti të ndodhur më parë ndërmjet kushëririt të pronarit të lokalit dhe një shtetasi që është mik i shtetasve Ramazan Rraja, Alesio Dobrozi dhe Roan Brahimi, këta tre të fundit, më datë 13.11.2021, kanë shkuar të armatosur, në lokalin në pronësi të shtetasit A. K., dhe kanë kërkuar kushëririn e tij, shtetasin L. M.(K), (i cili më herët ishte konfliktuar me shtetasin Gj. J., mik i tre autorëve të dyshuar).
Shtetasi L. M.(K), në momentet e ngjarjes nuk ka qenë në ambientet e lokalit.
