Mungesa e Xhemit në ekran duket se do të marrë fund. Moderatorja do të rikthehet dhe këtë radhë do ta shohim në skenën e Festivalit të fundvitit të RTSH-së.
Por ajo nuk do jetë vetëm. Jonida Maliqi, Isli Islami si dhe Kelvi Kadilli do jenë të tjerë emra që do drejtojnë spektaklin në netët live.
Pjesë e show-t duket se do të jetë po ashtu edhe një tjetër figurë e njohur, Ardit Gjebrea, i cili do të jetë pjesë e komisionit së bashku me Elton Dedën, Marjan Dedën, Klodian Qafokun, Zefina Hasanin, Arta Markun dhe Redi Trenin.
Po ashtu janë publikuar edhe këngët pjesëmarrëse të Festivalit, dhe priten shumë surpriza të tjera që do t’ë zbulohen në netët live.
