Në ishullin indonezian Java kë shpërthyer një vullkan i fuqishëm.
Për pasojë është formuar një shtëllungë e madhe hiri në qiell, i cili ka mbuluar fshatra të tërë.
Sipas asaj që raporton BBC, banorët pranë malit Semeru në Java lindore janë larguar dhe ekipet e shpëtimit po udhëtojnë në zonën e prekur. Agjencia lokale e lajmeve Antara tha se një shi i dendur i hirit vullkanik ka pushtuar gjithcka në zonat përreth.
Ndërkohë autoritetet e kontrollit ajror paralajmëruan kompanitë e fluturimeve se hiri vullkanik mund të ngjitet deri në 15 mijë metra.
Pamjet në mediat sociale treguan banorët duke ikur ndërsa një re gjigante hiri u ngrit pas tyre, ndërsa ka prej tyre që e cilësojnë këtë si “fundin e botës”.
