LIGJET E BIZNESIT
Mjafton vërtet shumë pak për të përgatitur në shtëpi një skrab natyral të bërë vetë për trupin, pa harxhuar para. Për të krijuar një rutinë trajtimi bukurie nuk është e nevojshme të drejtoheni gjithmonë në parfumeri e qendra estetike: mjafton të hapni dollapët në shtëpi dhe me ato që ju ndodhen të krijoni produkte të ndryshme, si për shembull me mbetjet e kafesë. Më poshtë do të lexoni për një kategori produktesh të bëra në shtëpi , të gjitha me bazë përbërësish natyralë.
Një skrab trupi dhe fytyre, i aplikuar një herë në javë, ndihmon lëkurën të qëndrojë e pastër dhe e freskët pasi largon qelizat e vdekura duke rigjeneruar shtresën sipërfaqësore të lëkurës. Ajo që duhet të mbani mend është se duhet të kombinoni gjithmonë një produkt të ashpër, kokrrizor (psh. sheqeri) me një produkt të yndyrshëm (vaji i bajameve).
Skrab trupi i përgatitur në shtëpi; për çfarë duhet
Merrni një lugë kafeje sheqer, 3 lugë gjelle vaj ulliri (ose vaj bajamesh) dhe dy lugë gjelle mjaltë. Përzieni të gjithë përbërësit dhe pastaj aplikojeni në lëkurë me lëvizje rrethore. Kokrrat e sheqerit krijojnë një masazh të ëmbël dhe penetrues në lëkurë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kush do të luftojë prezencën e pikave të zeza, mund të krijojë një skrab me lëng limoni dhe të bardhë vezësh. Përzieni dy lugë kafeje sheqer kafe dhe një të bardhë veze. Aplikoni këtë skrab në zonat ku keni probleme me pikat e zeza dhe masazhojini lehtësisht. Evitojeni përdorimin e tij në zonat ku keni puçrra ose pjesë të inflamuar. Për ta shpëlarë, përdorni ujë të ngrohtë dhe lëngun e gjysmë limoni.
Me dy lugë gjelle sodë buke dhe katër lugë gjelle qumësht pastrues, realizoni një skrab vërtet efikas, sidomos për këmbët. Masazhojini të dy përbërësit në një tas dhe më pas aplikojeni kremin e përftuar në trup, me lëvizje rrethore, sidomos tek gjunjët, bërrylat dhe thembrat. Në fund shpëlajeni me ujë të vakët, thajeni dhe hidratojeni mirë lëkurën.
Me sodë buke dhe kos përgatisni një skrab antibakterial. Shtoni një lugë gjelle sodë në një tas, bashkojeni me kosin dhe pak lëng limoni për një efekt antioksidant.
Receta skrabi që mund të bëni në shtëpi
Kafe + vaj ulliri + kripë
Kripë + vaj argani ose bajamesh të ëmbla
Kanellë +vaj ulliri ose bajamesh + mjaltë
Sodë + kos ose sodë + qumësht pastrues
Sheqer kaf + tul molle + niseshte misri + vaj esencial limoni
Tërshërë e imët + mjaltë
Kur duhet bërë skrabi i fytyrës?
Në përgjithësi, koha e duhur për një skrab fytyre është 1-2 herë në javë. Momenti më i mirë është mbrëmja, para gjumit. Por për raste kur duhet mbrojtur lëkura dhe riaktivizuar mikroqarkullimi, mund të bëhet një skrab mëngjesi. Ky orar rekomandohet sidomos për lëkurat e yndyrshme ose mikse. Për lëkura të ndjeshme, këshillohet që skrabi të bëhet në mbrëmje, për të depërtuar më thellë, pa rrezikuar problemet me skuqjen e fytyrës.
Revista Living
